অসমৰ নিবনুৱা যুৱক-যুৱতীসকলৰ বাবে এটা সুখবৰ। ভাৰত চৰকাৰৰ অধীনস্থ অগ্ৰণী প্ৰতিষ্ঠান ইণ্ডিয়ান অইল কৰ্প’ৰেশ্যন লিমিটেড চমুকৈ IOCL এ নিবনুৱা যুৱক-যুৱতীসকললৈ আগবঢ়াইছে এক সোণালী সুযোগ।বর্তমানৰ কঠিন প্রতিযোগিতামূলক সময়ত এনে এটা ভাল প্ৰতিষ্ঠানত কাম শিকাৰ সুযোগ পোৱাটো সঁচাকৈয়ে সৌভাগ্যৰ কথা।
IOCL Recruitment 2026: সপোনৰ চাকৰি নে সাময়িক সকাহ ?
ইণ্ডিয়ান অইলৰ পাইপলাইন ডিভিজনে অসমৰ লগতে আন কেইবাখনো ৰাজ্যত ৩৯৪ টা এপ্ৰেণ্টিচ পদৰ বাবে বিজ্ঞাপন প্ৰকাশ কৰিছে। বিশেষকৈ মেকানিকেল, ইলেক্ট্ৰিকেল আৰু ডাটা এণ্ট্ৰী অপাৰেটৰৰ দৰে পদত নিযুক্তি হ’ব। ই কোনো স্থায়ী চৰকাৰী চাকৰি নহয়, কিন্তু IOCL ৰ দৰে প্ৰতিষ্ঠানত কাম কৰাৰ অভিজ্ঞতা লাভ কৰিলে ভৱিষ্যতে ব্যক্তিগত খণ্ডৰ ডাঙৰ কোম্পানীত চাকৰি পোৱাৰ সম্ভাৱনা থাকিব।
আবেদন কৰিবলৈ ওলোৱা প্ৰাৰ্থীসকলে মন কৰা উচিত যে এইবাৰ অৰ্হতাৰ নিয়মবোৰ কিছু কঠোৰ। যদি আপুনি ইঞ্জিনিয়াৰিং ডিপ্ল’মাধাৰী বা স্নাতক, তেন্তে আপোনাৰ বাবে পদ আছে। আনকি কেৱল ১২ নং শ্ৰেণী পাছ কৰা যুৱক-যুৱতীসকলেও ডাটা এণ্ট্ৰী অপাৰেটৰ হিচাপে নিজৰ ভাগ্য পৰীক্ষা কৰিব পাৰিব। বয়সৰ সীমা ১৮ ৰ পৰা ২৪ বছৰৰ ভিতৰত হ’ব লাগিব।
আটাইতকৈ গুৰুত্বপূৰ্ণ কথাটো হ’ল আবেদনৰ সময়। ২৮ জানুৱাৰীৰ পৰা ১০ ফেব্ৰুৱাৰীৰ ভিতৰত আপুনি অনলাইনযোগে সকলো প্ৰক্ৰিয়া সম্পূৰ্ণ কৰিব লাগিব। মাত্ৰ ১৫ দিনৰ এই সময়ছোৱাত অলপ ভুল হ’লেই আপুনি এই সুযোগ হেৰুৱাব পাৰে।
আবেদন কৰিবলৈ হ’লে আপুনি প্ৰথমে NATS বা Apprenticeshipindia ৰ চৰকাৰী পৰ্টেলত নিজৰ নাম পঞ্জীয়ন কৰাটো বাধ্যতামূলক। তাৰ পাছতহে IOCL ৰ মূল ৱেবছাইটলৈ গৈ আবেদন জনাব পাৰিব। বহু সময়ত ছাত্ৰ-ছাত্ৰীসকলে শেষৰ দিনটোলৈ ৰৈ থাকে আৰু ছাৰ্ভাৰৰ সমস্যাৰ বাবে আবেদন কৰিব নোৱাৰে।
গতিকে আপুনি যদি সঁচাকৈয়ে ইচ্ছুক, তেন্তে পলম নকৰি নিজৰ নথিপত্ৰসমূহ এতিয়াই পৰীক্ষা কৰি লওক। আপোনাৰ চেষ্টা আৰু সঠিক পৰিকল্পনাই হয়তো আপোনাৰ কেৰিয়াৰক এক নতুন মাত্ৰা প্ৰদান কৰিব।
ALSO READ | https://nestofnews.com/assamese/sebi-survey-2025-awareness-investment-gap/
IOCL Recruitment 2026: আবেদনৰ বাবে প্ৰয়োজনীয় লিংক আৰু নিয়মসমূহ
আবেদন প্ৰক্ৰিয়াটো দুটা পৰ্যায়ত সম্পূৰ্ণ কৰিব লাগিব। প্ৰথমে চৰকাৰী পৰ্টেলত পঞ্জীয়ন আৰু তাৰ পাছত IOCL ৰ ৱেবছাইটত আবেদন।
প্ৰথম পৰ্যায়: বাধ্যতামূলক পঞ্জীয়ন (Registration)
আপোনাৰ শিক্ষাগত অৰ্হতা অনুসৰি তলত দিয়া যিকোনো এটা লিংকত গৈ পঞ্জীয়ন কৰক:
- টেকনিচিয়ান এপ্ৰেণ্টিচসকলৰ বাবে (Diploma Holders): https://nats.education.gov.in/student_register.php
- ট্ৰেড এপ্ৰেণ্টিচ (HR/Accountant) ৰ বাবে: https://nats.education.gov.in/student_register.php
- ডাটা এণ্ট্ৰী অপাৰেটৰৰ বাবে (12th Pass):https://www.apprenticeshipindia.gov.in/
দ্বিতীয় পৰ্যায়: মূল আবেদন (Final Submission)
ওপৰৰ পৰ্টেলত পঞ্জীয়ন নম্বৰ পোৱাৰ পাছতহে আপুনি IOCL ৰ অফিচিয়েল পাইপলাইন পৰ্টেলত গৈ আবেদনখন সম্পূৰ্ণ কৰিব পাৰিব:
- IOCL ৰ মূল আবেদন লিংক: https://plapps.indianoilpipelines.in/
মনত ৰাখিবলগীয়া কেইটামান গুৰুত্বপূৰ্ণ কথা
- প্ৰয়োজনীয় নথি-পত্ৰ: আপোনাৰ পাছপৰ্ট ফটো, চহী (Signature), সকলো শিক্ষাগত অৰ্হতাৰ মাৰ্কশ্বিট আৰু চাৰ্টিফিকেট, জাতিগত প্ৰমাণপত্ৰ (যদি প্ৰযোজ্য) স্কেন কৰি হাতত ৰাখিব।
- অন্তিম সময়: ১০ ফেব্ৰুৱাৰী, ২০২৬ ৰ নিশা ১১:৫৯ বজাৰ পূৰ্বেই আবেদন কৰক।
- সতৰ্কতা: পঞ্জীয়ন কৰোঁতে ব্যৱহাৰ কৰা ই-মেইল আৰু ফোন নম্বৰটো সক্ৰিয় কৰি ৰাখিব, কাৰণ পৰৱৰ্তী সকলো যোগাযোগ তাৰ জৰিয়তেই হ’ব।
IOCL নিযুক্তি ২০২৬: বাছনি প্ৰক্ৰিয়া আৰু পৰীক্ষাৰ ধৰণ
ইণ্ডিয়ান অইলত এপ্ৰেণ্টিচ হিচাপে নিযুক্তি লাভ কৰিবলৈ আপুনি এটা নিৰ্দিষ্ট প্ৰক্ৰিয়াৰ মাজেৰে পাৰ হ’ব লাগিব। ইয়াৰ বাবে কোনো মৌখিক পৰীক্ষা বা সাক্ষাৎকাৰ লোৱা নহয়, কিন্তু লিখিত পৰীক্ষাৰ ফলাফল অতি গুৰুত্বপূৰ্ণ।
১. লিখিত পৰীক্ষা (Written Test)
প্ৰাৰ্থীসকলৰ যোগ্যতা বিচাৰ কৰিবলৈ এটা অবজেক্টিভ টাইপ (MCQ) লিখিত পৰীক্ষা অনুষ্ঠিত কৰা হ’ব।
- মুঠ প্ৰশ্ন: ১০০ টা (প্ৰতিটো প্ৰশ্নৰ মান ১ নম্বৰ)।
- বিষয়সমূহ: আপোনাৰ সংশ্লিষ্ট ট্ৰেডৰ জ্ঞান (যেনে- মেকানিকেল/ইলেক্ট্ৰিকেল আদি), জেনেৰেল এপ্টিটিউড, ৰিজনিং আৰু সাধাৰণ ইংৰাজী।
- ঋণাত্মক নম্বৰ (Negative Marking): এই পৰীক্ষাত কোনো নিগেটিভ মাৰ্কিং নাথাকে, এয়া পৰীক্ষাৰ্থীসকলৰ বাবে এক ডাঙৰ সকাহ।
২.অৰ্হতাৰ নম্বৰ (Qualifying Marks)
লিখিত পৰীক্ষাত উত্তীৰ্ণ হ’বলৈ কমেও ৪০% নম্বৰ পাব লাগিব। অৱশ্যে অনুসূচিত জাতি (SC), অনুসূচিত জনজাতি (ST) আৰু বিশেষভাৱে সক্ষম প্ৰাৰ্থীসকলৰ বাবে নম্বৰ ৩৫% লৈ ৰেহাই দিয়া হৈছে।
৩. মেধা তালিকা (Merit List)
লিখিত পৰীক্ষাত পোৱা নম্বৰৰ ওপৰত ভিত্তি কৰি এখন মেধা তালিকা প্ৰস্তুত কৰা হ’ব। যিসকল প্ৰাৰ্থীয়ে সৰ্বাধিক নম্বৰ লাভ কৰিব, তেওঁলোকক পৰৱৰ্তী পৰ্যায়ৰ বাবে মতা হ’ব।
৪. নথিপত্ৰ পৰীক্ষাকৰণ (Document Verification)
মেধা তালিকাত স্থান পোৱা প্ৰাৰ্থীসকলক তেওঁলোকৰ আচল নথিপত্ৰসমূহ (Original Documents) পৰীক্ষা কৰিবলৈ মতা হ’ব। ইয়াত আপোনাৰ বয়স, শিক্ষাগত অৰ্হতা আৰু জাতিগত প্ৰমাণপত্ৰসমূহ তন্ন তন্নকৈ পৰীক্ষা কৰা হ’ব।
৫. স্বাস্থ্য পৰীক্ষা (Medical Examination)
প্ৰতিজন প্ৰাৰ্থী শাৰীৰিকভাৱে সক্ষম হোৱাটো বাধ্যতামূলক। IOCL-এ নিৰ্ধাৰণ কৰি দিয়া নিয়ম অনুসৰি এটা মেডিকেল ফিটনেছ পৰীক্ষা হ’ব, য’ত উত্তীৰ্ণ হ’লেহে নিযুক্তি নিশ্চিত হ’ব।
প্ৰশিক্ষণৰ সময়সীমা
নিযুক্তি পোৱাৰ পাছত আপুনি ১২ মাহৰ বাবে (ডাটা এণ্ট্ৰী অপাৰেটৰৰ বাবে ১৫ মাহ) প্ৰশিক্ষণ ল’ব লাগিব আৰু এই সময়ছোৱাত চৰকাৰী নিয়ম অনুসৰি মাহিলী এক নিৰ্দিষ্ট পৰিমাণৰ জলপানী (Stipend) প্ৰদান কৰা হ’ব।
পলম নকৰি আপোনালোকে এতিয়াই আবেদন কৰক।মূল বিজ্ঞাপন চাবলৈ ইয়াত ক্লিক কৰক।
Disclaimer:
এই বাতৰিটো কেৱল তথ্য প্ৰদানৰ বাবেহে প্ৰস্তুত কৰা হৈছে। আবেদন কৰাৰ পূৰ্বে ইণ্ডিয়ান অইল কৰ্পৰেশ্যন লিমিটেডৰ অফিচিয়েল ৱেবছাইটত থকা নিৰ্দেশনাৱলী আৰু বিজ্ঞাপনটো ভালদৰে পঢ়ি ল’বলৈ অনুৰোধ জনোৱা হ’ল। তথ্যৰ কোনো সালসলনিৰ বাবে Nest of News দায়ী নহ’ব।